Clár
Conas a chuirim isteach ar bhallraíocht?
Más mian leat a bheith i do bhall den leabharlann, beidh ort foirm iarratais a chomhlánú. Is féidir é seo a dhéanamh ar líne nó i bpearsa sa leabharlann.
Má líonann tú isteach an fhoirm ar líne, beidh ort cuairt a thabhairt ar leabharlann agus comhartha aitheantais ar a bhfuil grianghraf a thaispeáint (cé thú féin) chomh maith le cruthúnas ar an seoladh baile atá agat faoi láthair (áit a bhfuil tú i do chónaí) chun do bhallraíocht a thabhairt chun críche agus chun do chárta leabharlainne a fháil.
Agus tú i do bhall den leabharlann, gheobhaidh tú cárta leabharlainne agus Uimhir Aitheantais Phearsanta (UAP).
Caithfidh cárta leabharlainne a bheith agat chun rudaí a fháil ar iasacht agus beidh gá le d’UAP chun leas a bhaint as na Ríomhairí, seirbhísí ar líne agus chun rudaí a chur in áirithe agus a athnuachan ar líne.
Is fútsa atá sé deimhin a dhéanamh de nach roinntear d’UAP le haon duine eile, nó nach bhfuil sé scríofa ar do chárta leabharlainne nó taifeadta ar bhealach ar bith eile a d’fhéadfadh sábháilteacht d’UAP a chur i mbaol.
Más mian le páiste nó duine óg faoi 18 mbliana d’aois ballraíocht a ghlacadh sa leabharlann, caithfidh sé nó sí cead a fháil ó thuismitheoir/caomhnóir leis nó léi agus caithfidh an tuismitheoir/caomhnóir sin glacadh le téarmaí agus coinníollacha na ballraíochta thar a c(h)eann.
Nuair a bhíonn leanbh nó duine óg i dteideal catagóir iasachtaí a athrú ó bhallraíocht páiste go ballraíocht Aosaigh Óig (12-14), nó ó bhallraíocht Aosaigh Óig (12-14) go ballraíocht Aosaigh Óig (15-17), caithfidh tuismitheoir/caomhnóir leis nó léi glacadh le téarmaí agus coinníollacha na ballraíochta thar a c(h)eann.
Cén fhad a mhairfidh mo bhallraíocht?
Maireann do bhallraíocht ar feadh bliain amháin. Féadann tú do bhallraíocht a athnuachan ach glaoch a chur ar do leabharlann áitiúil nó do chuntas ar líne a úsáid chuige sin.
Cad iad na seirbhísí a bhfuil rochtain agam orthu?
Agus ballraíocht leabharlainne agat, beidh tú in ann leas a bhaint as na seirbhísí leabharlainne seo a leanas:
Baill ar Daoine Fásta Iad
Is féidir le baill ar daoine fásta iad leas a bhaint as gach bailiúchán agus seirbhís leabharlainne agus is féidir leo na ríomhairí sa leabharlann a úsáid chun dul ar an idirlíon.
Aosach Óg (15-17)
Tá cead ag baill 15-17 mbliana d’aois leas a bhaint as gach bailiúchán leabharlainne, DVDanna suas go rátáil 15 mbliana d’aois a fháil ar iasacht, agus na ríomhairí sa leabharlann a úsáid chun dul ar an idirlíon*.
Aosach Óg (12-14)
Tá cead ag baill 12 - 14 mbliana d’aois leas a bhaint as na bailiúchán do pháistí agus d’aosaigh óga, DVDanna suas go rátáil 12 bhliain d’aois a fháil ar iasacht, agus seirbhísí idirlíne do pháistí a úsáid*.
Páistí (faoi 12 bhliain d’aois)
Beidh teacht ag baill faoi 12 ar leabharlann na bpáistí, DVDanna suas go rátáil PG (Treoir Tuismitheora), agus seirbhísí idirlín do pháistí a úsáid.*
* Tá rochtain idirlín faoi réir an pholasaí rochtain idirlíne atá ag gach leabharlann ar leith agus d’fhéadfadh sé seo a bheith difriúil ag brath ar cén leabharlann ina bhfuil tú – ceistigh foireann do leabharlann áitiúil faoi, le do thoil.
Cad iad na coinníollacha eile a bhfuil sé éigeantach cloí leo?
Baineann do chárta leabharlainne leat féin amháin agus ní ceadmhach d’aon duine eile é a úsáid mar sin.
Tabhair do chárta leabharlainne leat gach uair a thugann tú cuairt ar an leabharlann.
Iarrtar ort foireann na leabharlainne a chur ar an eolas a luaithe agus is féidir má thagann athrú ar aon cheann de na sonraí a thug tú le linn clárú le haghaidh ballraíochta nó má chailleann tú do chárta leabharlainne.
Caithfear cloí le cód iompair do leabharlainne le linn duit leas a bhaint as áiseanna leabharlainne agus caithfear cloí freisin le coinníollacha an Achta Cóipchirt agus Ceart Gaolmhar, 2000.